Tək əldən səs çıxar?!

Məktəbli vaxtlarımızda atalarımızın hikmətini zarafatla sorğulasaq da, həqiqət orasındadır ki, tək bir insan digərlərinin həyatında yaxşılığa doğru böyük dəyişikliklər etməyə qadirdir. Əziz müəllim və insanlıq idealı Dr. Şəhla Qarayevanın həyat hekayəsi buna sübutdur. Mənim müəllimim öz insaniyyəti ilə yüzlərlə insanın həyatını dəyişib və bunu etməyə davam edir.

Seminar zamanı Şəhla Qarayeva

Şəhla Qarayevanın vəfatından üç ilə yaxın vaxt keçsə də, onun irsi hələ də yaşayır. Həyatına və müəllimlik karyerasına Füzuli rayonunun Aşağı Seyidəhmədli kəndində başlayan Şəhla müəllim 2018-ci ilin aprelində xərçənglə uzun müddət mübarizədən sonra həyatdan köç edib. Kənd məktəbində başlayan karyerasını Bakı Dövlət Universitetində ingilis dili və amerikan ədəbiyyatı üzrə dosent olaraq başa vuran Şəhla Qarayeva onu tanıyanlar tərəfindən işinin peşəkarı, dürüst, həyatsevər və qeyri-ənənəvi müəllim olaraq yaddaşlarda qalıb.

Şəhla Qarayeva Füzuli rayonu Aşağı Seyidəhmədli kənd məktəbində şagirdləri ilə

Lakin Şəhla Qarayevanı hamının sevimlisi olan Şəhla müəllim edən onun həyata baxışı…